當年今日
關於我們

【曼市打吡】唔GUR被潑奶 摩佬暗寸曼城球員冇家教

蘋果日報 2017/12/13 02:00

摩連奴哥迪奧拿曼市打吡足球

嗰邊廂曼城領隊哥迪奧拿話班球員冇慶祝過火,呢邊廂曼聯領隊摩連奴就寸爆對方,話喺呢件衝突事件上面見到兩隊球員喺行為、教育上面嘅差異,擺到明話曼城班人行為差劣,「簡直冇受過教育!」
曼聯即將喺周四凌晨主場迎戰般尼茅夫,摩佬周二出席賽前記者會,仲回應周日發生嘅衝突:「(哥迪奧拿)佢想講咩就由佢,我嚟呢到唔係要評論佢講嘅嘢。我唯一可以講嘅就係,呢樣係『差異性』嘅問題,喺行為、教育上嘅差異,就係咁多!」
畀人潑奶嘅摩佬條氣一定好唔順,佢指明曼城同曼聯球員之間有行為同埋教育上面嘅差異,擺到明就係話對手冇家教,唔知哥帥會唔會再出嚟反擊呢?
--------------------
球迷一定要知!英超一哥曼城,已經登陸​『BFB​』​!登入即送藍月球星: http://bit.ly/2AAiPDS