榜首練馬師蔡約翰呢日上半場冇運連場搏輸，好在第九場佢運氣返嚟，即刻整番隻W畀大家嘆吓，旗下「川河首駒」跑番強項千四馬上變身，留前鬥後輕鬆取勝，捧走首度舉辦之粵港盃。截至此場蔡廐以60比59Ｗ，一Ｗ之先Head番住方廐，重新於爭霸戰中略佔上風，「川河首駒」亦成為繼「輕彈錢笑」後，蔡廐今季另一匹四捷馬。馬主何家駒鬼咁開心，因為除了「川河首駒」四捷，今季佢另有「川河型駒」 (已退役)及「川河猛駒」各一捷，堪稱養馬的光輝歲月。
今場跑二、三名分別係大熱門「威武福星」同落飛馬「至尊飛星」，前駒鞍上人安國倫呢日回歸出足11場，拼搏有餘卻運氣不足，之前場次由佢策騎之「歡欣滿載」同「威武福星」，同樣有心出擊，亦同樣跑P贏唔到。