【拉埋洪卓立打機】想開電競音樂公司 張敬軒話做藝人要與時並進
張敬軒麥子樂湯怡衛詩雅陳家樂電競
張敬軒、衛詩雅、湯怡、麥子樂同陳家樂等今日喺九龍灣出席電競比賽活動。
軒仔話自己係打機愛好者,但玩電競遊戲就係初哥,佢話:「遊戲好講團隊精神,自己向來都係獨行俠。」佢平時都會約埋洪卓立一齊玩,仲話一日3餐都要放晒喺電腦旁,佢話:「唔只追分數,仲追求成就感,電競已經變成產業,變咗運動,我上月就入手咗第一批設備,要6位數字,呢批設備仲可以做音樂,開始帶動呢個產業,我考慮成立公司做電競音樂,希望老闆可以投資新label,今日嚟係別有用心。」軒仔仲話要跟隨潮流與時並進,做藝人學嘅嘢都多咗,要參加職業再培訓,軒仔仲話最想學好寫無聊嘅hashtag,希望可以帶開心畀大家,佢話:「王菀之嘅hashtag漸入佳境,祖兒嘅內容好好,依家係爭hit rate嘅年代,氹自己開心之餘,要引起大家共嗚。」
另外,麥子樂前日拍港台勵志劇《沒有牆的世界》時,扮演前「包山王」黎志偉遇電單車禍的場面時,撞正真正嘅奪命電單車意外,麥子樂話:「當時拍緊黎志偉電單車失事嘅戲份,我仲瞓喺地,點知幾百米前就發生車禍,大家知道都好驚訝,而架車都撞到拍攝嘅道具車。都會覺得好邪,聽到都好唔開心,心情好沈重,拍唔到落去,噚日都有拜神求安心。」
至於衛詩雅喺拍戲時都有試過遇到危險場面,曾經試過被反應彈的碎片彈到面留有血痕,仲擔心會毁容。
更多娛聞,喺晒《娛果》
http://fb.com/appledailyent
張敬軒、衛詩雅、湯怡、麥子樂同陳家樂等今日喺九龍灣出席電競比賽活動。
佢平時都會約埋洪卓立一齊玩:「唔只追分數,仲追求成就感,電競已經變成產業。」
麥子樂前日拍攝《沒有牆的世界》,車禍戲份時,撞正真正嘅奪命電單車意外。
麥子樂話:「當時拍緊黎志偉電單車失事嘅戲份,我仲瞓喺地,點知幾百米前就發生車禍。」
衛詩雅喺拍戲時都有試過遇到危險場面,曾經試過被反應彈的碎片彈到面留有血痕,仲擔心會毁容