當年今日
關於我們

隔牆有相:狼以類聚 - 李八方

蘋果日報 2013/12/12 05:20

隔牆有相

好一句「與狼共桌」!話說早前喺地區諮詢會上,同路姆西有「一面之緣」嘅狼振英,似乎對呢隻帶挈佢「晉身」國際舞台嘅同類念念不忘,噚日喺特首辦網誌以「與狼共桌」為題,不點名話知道呢隻公仔近期「爆紅」,「網下熱賣、網上熱炒」,證明港人創意無限,所以特登買隻送畀囡囡,做善事之餘𠱁佢開心。佢仲大晒同路姆西嘅歷史性合照(圖),只見狼英扮睇文件,路姆西則孤獨地坐喺枱上。唔少人懷疑話要依法追究掟蛋者嘅狼英,刻意扮幽默大方用自嘲挽民心。八方更想知道全城一狼難尋之際,點解佢仲有法子買到路姆西?有心水清網民發現,狼英扮睇緊嘅文件關於新西蘭奧克蘭市長有婚外情醜聞但死不辭職,奇怪狼英點解有興趣?枱上遙控器亦只見有線而冇now,點解唔撐小小超?
有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange