花旗股市回落,港股噚日都跌番些少,恒指連續5日喺高位橫行,等緊消息突破。
市傳金管局叫銀行收緊豪宅嘅按揭成數,話2000萬元樓上嘅豪宅只可以做6成按揭,傳聞雖未證實,不過諗真啲,呢個安排都唔會對樓市同地產股有負面影響,地產股後市繼續睇好。
玖紙C輪18399:玖龍紙業(2689)昨收12.08元,升4.3%。股價炒高兩日,成交大咗好多,技術呈突破,股價大落後,後市可看好,目標15元,可以諗吓隻C輪18399。
隻輪現價36仙,2010年3月19日到期,行使價9.80元,溢價10.9%,引伸波幅82%,有效槓桿2.5倍,正股升上15元,18399睇59.6仙,正股跌穿11元,就沽咗隻輪止蝕。
俊樺