韓國男團Super Junior成員金希澈噚日喺台北國際會議中心舉行粉絲見面會，喺現場獻唱鄧麗君名曲《月亮代表我的心》，冧暈粉絲。

喺現場希澈邀得黃子佼做司儀，黃子佼笑言：「要不要準備銀杏啊？」不過希澈本身成日擔任主持，亦相當識搞氣氛，佢就反笑黃子佼：「搞不好愛男生」，黃子佼即話：「大家都認識我女友！」希澈即反駁：「誰知道你有冇男朋友。」令黃子佼哭笑不得。

希澈8月時喺大陸節目上組隊打線上遊戲《英雄聯盟》（LOL），最後以41對22嘅成績打敗周杰倫領軍隊伍，佢先用中文道歉說：「對不起！」但又感嘆話：「我必須同大家講，要打到我咁樣嘅程度，係唔會有時間交女朋友。」佢仲話不如即場LOL，但擔心：「怕女粉絲通通跑走。」又自爆成日同師弟團EXO嘅伯賢一齊打機，不過要佢喺女神邱淑貞同LOL中間揀時，佢猶豫3秒後就即話：「LOL！」選擇放棄女神。