趙式芝同太太楊如芯(Sean)噚晚現身尖沙嘴文化中心音樂活動，問到佢對於新政府始終冇就「性傾向歧視立法」向公眾諮詢，佢表示：「現任政府冇將小數人仕權益放priority，大家要向社會層面認知解釋，好似上一輩包括父母擔心小朋友係同志點面對，其實唔使怕，唔會令人類滅亡，大家都可以和諧相處，總之唔係一朝一夕。」趙式知透露已加入了黃耀明嘅「大愛同盟」組織：「加入咗，入面好多能幹嘅人，自己對同志嘅社會、政治上層面唔太熟悉，唔抗拒做幹事，依家係支持角色。」

就嚟農曆新年，問到式芝會唔會派利是，佢就話：「不嬲都有派開利是，派畀員工。」利是封上會否刻上姓氏，佢就表示：「冇，都係恭喜發財、福字。」式芝透露佢哋將會外出滑雪度歲，會唔會帶太太返父親家逗利是拜年，式芝就笑笑口話：「爹哋媽咪多數避年，要逗佢利是要帶埋利是封去，派利是都係一種愛嘅表現，都想約佢食飯。」