主持飲食節目的人，竟然要跑去絕食，而且是無限期——為甚麼？為了還聲於民﹗

《為食麻甩騷》主持肥光光樓南光，為撐dbc，連日同大班、林旭華、鄭家富等一齊出心出力。昨晚樓南光亦有留守政總，跟大家一起聽了黃楚標絕密錄音——然後，樓南光宣佈無限期絕食。

樓南光話，絕食決定已醞釀一段時間，至聽到股東對話聲帶，才下定決心﹕「連管理層都不怕法律風險，我都決定即時絕食，希望有更多市民對政府總部參與集會，去保住dbc呢一支珍貴嘅咪。」

光光宣佈絕食後，有兩個警察叔叔嚟咗，話關心下佢，仲話如果佢有唔舒服，可隨時向政總嘅保安們求助。唔少網民喺網上發聲，齊撐肥光光。有人感歎點解有影響力嗰班(在此不點名，自己心照)唔出嚟為同業打氣、係咪只顧向北望；亦有人留言﹕「梅姐(梅艷芳)喺度嘅話，一定撐到行！」

學黃之鋒話齋，撐學民撐反洗腦，唔係喺facebook上加個「like」就得。今日一於包圍政總啦。