韓國女星朴信惠跟李鍾碩於2014年合作韓劇《愛上Pinocchio》，二人因為於劇中連環咀嘴而傳撻出愛火，前年韓媒《Dispatch》曾爆出二人秘密拍拖及公開相關約會嘅照片，不過朴信惠跟李鍾碩例牌否認。今早二人分別於Instagram公開新相，立即引來網民猜測二人疑似用Ig傳情。

今早朴信惠於Ig公開佢於紐約為品牌拍攝嘅新花絮照，照片中朴信惠企喺欄杆前低頭，風吹起佢嘅頭髮，望落幾有仙氣，朴信惠更留言：「因為跟喜歡嘅人一齊而更幸福嘅紐約。」無耐之後，李鍾碩亦於Ig公開一張同樣係企喺欄杆前低頭，風吹起頭髮嘅單人照。

本來二人分別更新Ig無咩特別，不過因為係差唔多時間更新，加上二人甫士相似，有網民更將二人照片拼埋一齊，留言指係對望嘅意思，猜測二人借Ig傳情。