玩Cosplay扮演《海賊王》「蛇姬」成名嘅台灣藝人林采緹，今日獲邀去到尖沙咀為「我是海賊王」攝影比賽活動揭幕，林采緹以性感蛇姬造型，谷盡心形胸出現，佢話早前完成一齣內地網絡劇拍攝，喺劇中扮演舞者，需要性感演出。

對於往後會否再挑戰性感尺度，林采緹以國語表示：「要看是演甚麼，主要是3點不露，如果劇情ok便可以。」生於澳門，父母係澳門人嘅林采緹雖然離開澳門10幾年，但係仍算講到唔咸唔淡嘅廣東話，佢話喺台灣剛為第3張唱片進行錄音，有機會都想喺香港發展，或者返澳門工作，因為佢兒時大部份同學朋友都係喺澳門居住。