韓國娛樂圈喺2018年頭3個月先後爆出多對明星戀人，今日陸續有嚟，韓劇《和遊記》嘅30歲女星吳漣序被韓媒《The Fact》踢爆同《花樣男子》男星中飾演「西門」嘅28歲金汎熱戀中。

據報道指吳漣序喺《和遊記》結束後，本月初喺朋友聚會上同金汎認識，之後漸漸變得親近，並互相產生好感而成為戀人，兩人更喺清潭洞附近餐廳約會，由於仍剛剛展開戀情，報道指兩人約會時有時會好怕醜，有時又會情深望實對方階段。

被爆拍拖後，吳漣序方面亦即大方認戀，透露3月初認識金汎後就好自然成為情侶，而金汎方面亦坦言雙方感情好好，現時正處於互相了解階段。

吳漣序去年5月被爆同《太陽的後裔》嘅金玟錫約會，不過其後雙方都否認緋聞，指二人根本唔熟。至於金汎於2013年曾認戀「國民妹妹」文根英，但兩人戀情只維持7個月就分手收場。

更多韓流，喺晒《娛果》
http://fb.com/appledailyent