香港業主會會長佘慶雲亦指出,鳳樓劏房吞食大廈的求助多不勝數,「女住客話日日返屋企俾人上下打量,有時仲開口問價,好困擾」。但實際她們只能無奈忍受,因為要阻止「劏房一樓一」只能利用僭建條例取締,無論向甚麼部門投訴,最終只會碰上屋宇署這道鐵板。
「我哋有個『四門理論』,就係查詢無門、諮詢無門、投訴無門,同埋求助無門,因為最後都係要等屋宇署做嘢,但屋宇署廿年嚟都係話資源不足,人手唔夠,只能依次清拆,但永遠都唔見佢做嘢!」他舉例曾以阻塞走火通道向消防處投訴,但處方只會推說是屋宇署職責。
佘慶雲直言問題相當棘手:「投訴業主立案法團都冇用,因為佢哋已經俾經營緊鳳樓嘅業主主導,點會倒自己米?」
《蘋果》記者