陳妍希上月20號生完猴B「小星星」，剛坐完月嘅妍希，約咗好友「安氏企業」安以軒、白歆惠及夏于喬(Kimi)食團年飯，安以軒更母愛泛濫，係咁同白歆惠囝囝玩，原來佢哋一屋「猴B」玩餐飽!

安以軒今日喺微博貼出多張飯聚相，留言：「在今晚送猴迎雞前趕快去看好姐妹和她們的小金猴～陳妍希(Michelle)家的小星星還太小並在睡夢中一直笑一臉幸福快樂樣，不吵醒他所以沒和他玩，只好和皮膚好爆的可愛媽咪玩素顏自拍。」

冇得同妍希個猴B玩，仲有白歆惠「BaiBai」嘅猴寶寶玩，安以軒同BB玩得不知幾開心，係咁同BB玩selfie，完全唔記得同白歆惠及夏于喬影三人合照，最後仲祝大家「雞祥如意」!