【兩個開心啲】趕住追多個 43歲千嬅:希望更年期前搞掂啦
演唱會楊千嬅torres
今日宣佈演唱會加開4場嘅楊千嬅,對於演唱會可以橫跨聖誕同新年,千嬅話呢個係人生最大紀念價值,會好好珍惜。問到會唔會開夠10場,千嬅笑住話:「我梗係想開得幾多得幾多啦,不過公司驚我辛苦,因為o依家已經開8場,之前最高紀錄都只係開7場。」
講到開騷前嘅健身,千嬅透露現時跟教練玩一個戶外嘅健身機械。佢話:「因為想練吓心肺功能,呢個健身機械係美國專業運動員用開,試過用嗰陣,喺條街俾漁農處截停,話要影相做record,我冇俾佢影相呀,因為嗰日冇化妝、件衫怪、個look又怪。」問佢練到咩程度,千嬅就話有正常肌肉線條,但就唔會練6嚿腹肌。
千嬅喺台上講笑話要生B追兔仔,佢接受訪問時就話:「希望喺更年期前搞掂啦,不過小朋友係天俾嘅,有就有冇就教好個仔,不過兩個小朋友又好開心嘅,順其自然啦。」千嬅透露自己今年冇再送囝囝返學,Torres改搭校巴,希望佢可以適應多啲群體生活。