滙控(005)見番40元,股價重越10日線,無疑替擁躉挽回不少信心。不過,市場對滙控今次世紀大供股評價不一,好似股東之一KnightVinke基金仍未表態會否供股。此外,有聲音認為美國滙豐融資係潛在隱憂,亦有人擔心滙控供完股之後會跌過,所以滙控的散戶應否供股,真係要睇清自己盤數。
國企股受資金追捧,其中電力股表現不俗,華能國電(902)及大唐發電(991)俱上升6.8%,分別收報5.66元及3.62元;另一隻華電國際(1071)亦升4%,貼近全日高位以1.82元收市,升勢有餘未盡,先上試2元關,如成功突破,下一站可見2.20元。