爵士嘅長人中鋒高拔（Rudy Gobert）係上周五晚上，同塞爾特人嘅NBA常規賽入面早段受傷，仲要人幫手扶住先勉強行返入更衣室。初部評估佢係左膝外側副韌帶(MCL)一級扭傷，爵士都打定輸數佢要長唞。但今日《ESPN》報導，經過左更深入檢查同埋磁力共振後，預料高拔只係需要唞3-4個禮拜，都算係好消息。

爵士教練斯尼達（Quin Snyder）對於檢查報告係正面感到興奮，仲讚高拔係個好堅強，好勇敢嘅球員。身高7呎1吋的高拔今季上陣17場，平均得12.2分和10.1籃板。而爵士依家排名西岸第9，只係多第8嘅雷霆一場敗仗，係競爭異常激烈嘅西岸，極需要高拔盡快復出爭入季後賽。