環球股市最近只能用個「亂」字來形容，好多人以為唔會出現嘅事如美債被降級竟然發生咗，另有傳言法國將成為下一個被降級的對象，更講到法國銀行業面臨爆煲，令外圍又大挫，點知那邊廂法國便出來澄清並無此事，美股期貨在亞洲時段立刻反彈。
香港都唔執輸，周三港交所（388）網站竟然出現被黑客入侵事件，令部份股票午市要停牌。港交所最近兩年來一直追求與國際接軌，想要超英趕美，還是先做好自己，完善軟硬件配套，否則，恐怕無法再以國際金融中心自居。
面對這種金融亂局，其實作為投資者的我們可做的不多，大市日日好像過山車般，一到歐洲開市後，港股就向下，看來都要見到歐洲能帶動港股上升，期指才有轉機。現時企錯邊隨時可以輸到無仇報，惟有控制注碼，衡量好值博率才出擊，筆者近日除準備下輪對策外，反而專注在衍生工具短線操作，起碼目標與止蝕夠明確，風險屬可控制範圍。