【有經驗輕鬆啲】忙住寫歌搞演唱會 林奕匡冷落老婆打機補數
演唱會林奕匡Phil
林奕匡(Phil)今日到商台宣傳即將喺11月舉行嘅演唱會,見到佢面露倦容,佢指近排同時忙於為新專輯寫歌及籌備演唱會。
工作咁忙,難免要冷落咗太太,Phil笑言:「唯有隔日陪佢打下機,若果唔使出去做嘢,我大部分時間都留喺屋企。」舉行第二次個唱,佢指今次有咗上次演唱會經驗,知道自己可以連續三日唱到兩個鐘嘅騷,心情就輕鬆好多,同埋懂得運用啱嘅力去唱。
講到陳柏宇早前聲帶出血?Phil話:「聲帶出血其實好嚴重,佢應該係玩嘅時候大叫先至會咁,平時唱歌嘅時候佢嘅技巧好好。」Phil自言近年都著重養聲,以往從來不飲熱水,但自從有次氣管敏感後,佢就發覺飲熱水可以止咳,所以依家每逢演出前都飲熱水養聲。
精選娛聞,喺晒《娛果》
http://fb.com/appledailyent
林奕匡(Phil)今日到商台宣傳即將喺11月舉行嘅演唱會。
見到佢面露倦容,佢指近排同時忙於為新專輯寫歌及籌備演唱會。