單親媽媽林雅詩(Grace)，呢幾日飛咗去馬來西亞吉隆坡做嘢，一直有喺fb玩live嘅佢，日前玩直播時，突然俾人從後搶手袋，成個搶手袋過程僅一秒閃電時間，原本對住鏡頭嘅林雅詩，當時顯得驚惶失措，隨即中斷直播。

事後，Grace接受傳媒訪問時，回應指俾人搶手袋後，好彩有當地好朋友同經理人馬天樂喺身邊，未致有財物損失。

不過，到深宵，呢單搶劫案嘅受害人林雅詩，忽然再開po，留言話：「多謝大家關心，昨日在馬來西亞發生之事是場誤會，令文冬的朋友及吉隆坡各好友、市民、支持者受驚及誤會，,心感抱歉，在此亦感激各位好友們的擔憂，如有帶來不安不便之處敬請見諒。不好意思。」

由搶劫變誤會？有網民奇怪林雅詩態度離奇大逆轉，唔知Grace係受咗壓，抑或有其他難言之隱喎！