嗰邊廂發叔插科打諢抽抽水,社民連就明目張膽喺議事廳賣廣告,毓民、長毛、陳偉業,輪流攞住會喺今年年宵市場賣嘅吹氣香蕉同毛毛香蕉雙截棍做發言道具。幾大電視台現場直播答問大會,社民連唔使幫襯賀年廣告套餐,分毫不花就做咗個productplacement廣告,呢條橋都算絕。所以話呢,睇嘢唔可以只睇表面,社民連先至老謀深算。煲呔慘成人肉佈景板,成場苦口苦面,無奈過以前做孤獨推銷員。
答問大會淪為電視直銷大會,下次大家識轉台啦。噚日仲有個漏網鏡頭,社民連同財爺鬍鬚曾「過蕉」。話說正式開會前陳偉業將一隻毛毛蕉掟向鬍鬚曾,身為甄子丹師兄嘅鬍鬚曾眼明手快,一手接蕉,隨即運勁將隻蕉掟向長毛,長毛反應快接住,鬍鬚曾幫唔到煲呔報仇,可惜!
mailto:
[email protected]