【呻一呻】有居住樓齡逾20年的租置公屋業主反映，樓宇老化及單位滲水嚴重，已出現石屎剝落及露出鋼筋，惟投訴後又遲遲未獲處理，終日「心慌慌」，恐石屎隨時跌下搞出人命！公屋聯會狠批房屋署未有積極處理問題，只「頭痛醫頭，腳痛醫腳」。記者：劉丹丹

賴小姐居於26年樓齡的青衣邨，其母親已透過「租者置其屋計劃」購入單位，近兩年前其單位天花多處出現滲水，其後情況不斷惡化，去年中起更有石屎剝落，並露出鋼筋。她不滿說：「有一次睡房成嚿（石屎）跌咗落嚟，好彩冇人喺屋企！」投訴無門，更被當「人球」！賴小姐無奈說：「同房署投訴，房署話管理公司負責，之後又叫我搵食環署，樓上又同食環署講已經搞掂咗，房署又話食環署有結果再通知佢哋，都唔知究竟應該搵邊個部門！」經歷逾一年兜兜轉轉，問題至今仍未解決，她最擔心是石屎繼續剝落，危及住戶安全。青衣邨租戶服務辦事處回覆指，該邨為「租者置其屋計劃」第四期出售屋邨，賴小姐及其樓上單位均已出售。業主透露食環署及屋宇署正跟進其個案，並於最近接獲屋宇署通知，樓上業主已完成滲水的維修，署方亦已進行測試，將於本月底通知結果。屆時，業主會聯絡辦事處，以協助維修單位內的石屎剝落。而兩署的聯合辦事處則至截稿前未有回覆。

王坤籲設維修津貼

公屋聯會主席王坤指，房署一般以「打針」方法整治滲漏，「用一啲膨脹膠，喺天花度打落去，但始終都係治標唔治本」。由於樓齡較高的公屋單位滲水問題太普遍，房署在處理上欠積極，「有人投訴咪做囉，你叫我整，我咪用打針嘅方法囉，但打針之後可能三個月、最多半年又再滲漏」。他建議房署可考慮調遷嚴重滲水單位的住戶，以進行大規模維修；另可考慮按樓宇的損毀程度，決定是否重建。就處理投訴跟進慢的問題，他質疑：「既然房署做唔切，係咪可以考慮設立一啲維修津貼？」以合理價錢容許住戶自行聘用師傅維修，既彈性亦能加快進度。檔案編號：0723018社會服務◆匿名投訴恕不處理。一經投訴，本報保留刊登權利◆報料熱線：2929 0000◆社會服務熱線：2990 8288◆蘋果日報慈善基金：2990 8688◆電郵：mailto:[email protected]◆傳真：3711 2468◆網址： http://charity.appledaily.com.hk