散子之前寫過一篇，估財爺陳茂波唔會派錢，結果波叔都係決定派，今次派錢同上次前財爺曾俊華派錢，有啲唔同，今次波叔方案係有條件地派，而且條件仲有啲復雜，最復雜嘅係發放差額。

政務司司長張建宗就話，申領程序向簡易，「喺表格剔剔剔」就得，預計行政費幾個百分點，預計派110億，即係行政費最少都幾億。咁係代表多定少，真係見人見智。反而係張建宗嗰句「剔剔剔」令到筆者有懷疑，既然成個玩法係有差額發放嘅，如何可以「剔剔剔」就搞掂？

根據今次條件，似乎大學生拎晒4000元嘅機會取大，如何善用4000元？與其話善用，不如講吓大學生會點用，上次派錢6000元，撞啱蘋果出新機，相信唔少流入蘋果個account，今次派錢確實日期未定，好難計邊個最受惠，4000元又買唔到新款電話，散子身邊唔少受惠嘅人士，都異口同聲話會拎去旅行，所以最受惠嘅相信會係航空公司。

散子

蘋果財經，關心你飯碗
http://fb.com/appledailyatm