所謂「重賞之下必有勇夫」，但對班腰纏萬貫嘅世盃球星嚟講，收啲花碌碌嘅銀紙，點都唔及有個樣靚身材正嘅囡囡陪咁Happy。巴拉圭名模達莉雅絲就話，如果班國腳可以從南非捧走世界盃，就將自己身體當獎品，陪佢哋一晚。
本身係模特兒嘅達莉雅絲承諾，如果巴拉圭能夠喺南非世盃奪冠嘅話，就同班球員玩天光。佢好露骨咁話：「若果巴拉圭能夠贏得世界盃，我願意全日同班球員開心。你哋擔心我頂唔住？唔使擔心，我哋國家嘅女人好狂野，所以應該難唔到我。我嘅性幻想對象，就係能夠征服到我同埋主宰到我嘅猛男。」
佢仲話：「唔怕話埋俾你哋知，我喺一個男權至上嘅家庭成長，所以我對男人亦好有要求。我喺床上好狂野o架，仲會表現得好激情。雖然我嘅母語係巴拉圭話，但喺床上我就鍾意用西班牙文同男人講嘢，因為西班牙文真係好性感，所以我好喜歡。」

國腳可排隊輪住上

達莉雅絲仲話：「由細到大，都好喜歡勇往直前嘅男人。我有時甚至希望同多個男人Happy。話埋畀你哋知，我最鍾意喺床上高高在上，咁樣就可以清楚睇到對方個樣，對方亦都可以清楚睇到我。之但係，如果身體唔夠強壯嘅男人，就唔好嚟掂我，費事搞出人命。」
巴拉圭班國腳係頂級運動員，我求大俠真係唔戥佢哋擔心，達莉雅絲擔心自己好過。點解？喺今屆世盃決賽周被編入F組嘅巴拉圭，陣中有辛達告魯斯、巴里奧斯、希度華迪斯同埋奧斯卡卡度素，人腳算係幾好，暫兩戰一勝一和得4分，出線在望。所以高舉世盃，真係唔係冇可能o架。若然真係俾巴拉圭登上世界冠軍寶座，達莉雅絲一晚要應付23個精壯嘅男人，少啲體力同耐力都唔得啦。