【狗仔出更】任達華乖乖女放學做乜好?長腿任晴佳約友醫肚
長腿琦琦任達華狗仔出更乖乖女任晴佳
任達華同名模琦琦嘅獨生女任晴佳(Ella),眨眼已經13歲,Ella盡得父母優良基因,除咗五官標緻,尤其係佢對長腿着實令人羡慕,難怪佢被封「最索星二代」。喺父母眼中,Ella純樸、乖巧又孝順。
Ella平時好少獨自去街玩,多數由媽咪琦琦傍實,母女情同姊妹,但日前《蘋果》就見到Ella單拖出動,身穿校服嘅佢,現身時代廣場地面,佢挨住係咁做低頭族,唔停咁撳電話,大約20分鐘後,佢就上咗12樓一間餐廳,原來約咗同齡女伴吃下午茶,佢哋坐低好好傾,兩個美少女係咁睇電話,邊玩邊笑,好快就過咗個幾鐘。
Ella得天獨厚,有潛質做幕前,大家都吼實搶簽佢,早前更被睇中、客串做model影相(新聞連結: http://bit.ly/2tL8umE ),但影帝型爸華哥日前已代「落閘」,佢希望囡囡喺呢個階段係讀書優先(新聞連結: http://bit.ly/2FR9ED1 ),媽咪琦琦都講過囡囡將來想做時裝設計師,父母都會支持同鼓勵。
Ella嘅媽媽琦琦今日回應《蘋果》話:「佢有朋友嚟咗香港,所以約出去食嘢。」
精選娛聞,喺晒《娛果》
http://fb.com/appledailyent
日前Ella被發現單獨現身銅鑼灣,佢全程都係撳電話。