做人要講口齒，佢之前話到明參選立法會旅遊界後贏輸都唔做，而家輸咗就輸打贏要，戀棧權位唔通就係自由黨嘅精神？佢哋前黨主席田少，亦都係俾人批評死𦧲要做名譽主席。董生如果咁冇誠信，下次再選立法會仲會有人信佢?
董生每個月𢭃成10萬人工，咁又真係好難放得低嘅。可惜佢自己唔生性，之前旅遊業議會搞得咁差，連立法會議員李華明都話，早排零團費搞到滿城風雨，議會搞唔掂之餘，仲俾人踢爆其中一間零團費旅行社嘅負責人係議會理事，議會就好似私人俱樂部，自己監管自己。康泰副總經理陳健鵬就踢爆，董生之前辭職只係做戲咁做，呢啲只係參選嘅遊戲規則之嘛，唔辭又點選呢？