【隱藏身份】
雖然不只一次成功踢爆地產霸權，但土地正義聯盟的朱凱迪直言，修例對富豪地產商的影響較微，因為他們本來就有雄厚資本培植親信代其「出面」，自己則隱身在交易背後；一旦修例，最大得益其實是沒有足夠資本聘用「艇仔」的「中級有錢人」。

現法例已嚴密保護股東

朱凱迪指，現時香港法例容許股東隱藏身份，指派董事管理公司，「𠵱家已經可以好嚴密咁保護到股東，一間公司打開門做生意，如果巿民連管理層嘅身份都唔能夠好清楚咁知道，連公司嘅代理人都可以隱身，壞處一定大過保障私隱」。
他解釋，修例後最大得益的將是「中級有錢人」，「好多地產商囤地可以搵好多普通人、搵啲親信嚟開公司，唔會牽連到佢自己，但有啲冇咁多錢嘅人咪惟有赤膊上陣囉（即用自己名義開設公司買地），如果唔畀人查住址、身份證，佢哋咪可以大大減低咗成個保護嘅成本囉」。
他表示，富豪一般會利用離岸公司來隱藏身份，「好似Lydia Lau呢類人物，其實只係親信，唔係真係乜幕後主腦，我哋大概都可以估到佢老闆係邊個，但如果日後隱藏埋佢哋嘅住址同身份證號碼，即係連親信都保護埋」。
《蘋果》記者