【新增動新聞】
以破轉會費由多蒙特加盟嘅巴塞隆拿前鋒奧士文尼迪比利，因為賣弄腳法搞到至傷3至4個月，周二西甲快車就唔使預佢，好彩有美斯「食大四喜」，照樣以6:1大勝，開季5連勝。

巴塞眾將賽前就好有愛心咁，着上「Courage Ousmane」（勇氣，奧士文尼），為迪比利打氣，不過其實佢都只不過傷幾個月，職業足球都不時發生，使唁使搞咁多花臣呀?

另外，之前有西班牙傳媒報導，因為迪比利受傷，今季上陣一定冇50場，巴塞可以慳番1千萬歐元（約8900萬港元）轉會費，多蒙特就澄清，雙方根本就冇呢個協議。