橙天嘉禾（1132）喺上星期，再創1年低位，每股現金值比例大大提高，唔怕買。橙天上年9月底，手頭現金5.2億銀，相對6月底時，雖則減少咗2.8億銀，但計計數，手頭現金仍相當於每股0.205元。
而橙天呢期股價再插水，幾乎跌到落09年9月大升潮前嘅起步位，現價0.405元嘅每股現金值比例，已經提高到50%。再講，橙天現金減少咗，主要係因為要收購獨立製作公司Legendary。後邊Legendary04年以嚟合資拍攝電影，全球票房高達380億銀，只要呢家企業一通過資本市場，反映身價，橙天家底，肯定水漲船高，潛在變現獲利，相信勁吸引。橙天股價再跌仲好，博喺0.35元兜底，上望1字頭咁大把，回報1.8倍，而到時，集團PB都係只追到同業水位。

中農交易博升兩成

中國農產品交易（149）對上星期五成交股數上30球，有鑊氣，好。中農交易2010年度（12月底止）業績，仲係見紅3億銀，但大部份虧損，都係涉及非現金撇減。撥得乾淨，再無後患。又集團轉型祖國農產品交易市場營運業務，受惠扶農國策，睇高一線。Beforethat，呢期中港農務及食品股異動，快炒中農交易，博升20%到0.43元，PB都係1倍多少少。
錢雋