本年最後一次試閘今朝(30日)在跑馬地馬場舉行，各路人馬都忙於應付，未有因為新年將至而有所放鬆，期間較特別舉動為練馬師沈集成猛捉住潘頓密斟。

雖知今晨騎師潘頓於八組閘當中，只替沈集成馬房「晚風」一匹出試，安排在第三組，但騎練一而再圍埋咬耳仔，相信除商討「晚風」試閘事宜之外，話題應有關元旦日之戰。

1月1日賽事，沈集成旗下「綠色勁駒」將配上潘頓出爭第九場三班田草1800米，此匹5歲灰馬雖未達「神獸」級別，但此程去季曾勝，加上過往配騎者一次即入Q，人馬合拍。

今季「綠色勁駒」三戰未曾上名，今次召回潘頓打硬仗，以最近騎練雙方合作22匹取得六冠五亞二季五殿，僅四駒無獎金佳績計，值得重視。

==============================================================
【minigame】2017瘋暈人物 返工打機唔使擇日
http://bit.ly/2CeWQkP