崔建邦早前被指一腳踏兩船，暗交林珊珊細女李怡（野人），導致他跟模特兒陳嘉莉分手收場，本周日崔建邦被雜誌拍到跟野人一起離開寓所，開車到大埔踩單車。
昨日崔建邦以司儀身份在銅鑼灣出席纖體公司的記者會，同場還有纖體公司的內地代言人、歌手那英。活動開始前崔建邦主動走向一眾記者並笑言：「我嚟自首。」當問到是否認拍拖時，他笑說：「每次影到都要認，咪好大件事。我哋正常朋友交往，踩單車都好健康。係咪拍拖？唔回應嘞。」對於記者多次提到一腳踏兩船，他說：「唔係事實嘅嘢唔回應，我𠵱家單身，希望可以喺感情上面留啲空間，多謝大家關心。」

「了解吓先」

崔建邦又表示雖然李怡的家人也是圈中人，但仍希望可以留點私人空間給對方，當被指非常體貼女友，他說：「對每個朋友我都愛護，我哋係正常朋友交往，等大家了解吓先。亞視熄機唔講嘞，但無論如何亞視製作過大家喜愛嘅節目同劇集，搞到咁嘅地步好可惜。」
另外，那英專誠由北京飛來香港撐昨日的記者會，她透露稍後要為新一輯的《中國好聲音》準備。那英好友王菲的囡囡竇靖童正式入行，她說：「有留意她，有很好的音樂基因，不過不會推薦她參加《中國好聲音》。」當再追問有關王菲的婚訊時，那英顯得有點不耐煩，表示毫不知情，希望不要再問她這個問題。
採訪、攝影：曹家誠