《格雷的五十道色戒》(Fifty Shades of Grey)落幕了，《拔甩的50道色戒》(Fifty Shades Of Black) 上映了。齋睇名，惡搞作贏咗，不論中英。Black與拔甩諧音，「拔甩」有份上世紀的gag味，好鬼《攪乜鬼奪命雜作》feel。呢條無聊笑片正是《攪乜鬼》班底新作，戲中的上司與下屬都變成黑人。睇預告已見到佢怎樣玩盡Fifty Shades of Grey的經典位，低俗到喊。電影仲惡搞埋《巨揪舞壯士》(Magic Mike XXL)的舞男餵慾女場面。呢類惡搞片通常都唔會得到影評人青睞，不過就長拍長有。Fifty Shades of Grey上映以來都不斷被恥笑，有惡搞電影，當然有捧場客。23/6香港上映。