盧宛茵（Madam Lo）在眾多劇集中飾演媽媽角色廣為人熟悉，她即將跳出電視框，於八月中在麥花臣開一場棟篤笑，今日在銅鑼灣舉行宣傳，多次合作演母子的楊明到場支持，Madam叮囑:「 孻仔（指楊明）到時一定要嚟，唔好去拍拖住。」 現場亦展示主辦方為Madam申請入健力士飾演最多母親角色，等候結果中。

Madam介紹內容時率先披露會講婆媳糾紛和娛樂圈秘史，事後她解釋說:「我新抱其實對我好好，噚日先飲完茶，娛樂圈秘聞就真係要回憶吓。」雖然今次只演一場，但對Madam來說極具挑戰，希望帶給大家一個內容豐富，有笑有淚一場騷。Madam激讚楊明乖仔，合作期間經常買食物孝敬她，楊明笑說:「一知道買畀Madam個個都爭住畀錢啦，相信到演出當日冇通告嘅阿仔都會出現。」

多年來眾多男藝人曾和Madam飾演母子，她說:「多到真係記唔起，古天樂、周星馳、李家聲。」楊明聽後即說:「全部都巨星，包括我在內，掹下車邊先。」但合作趣事Madam就暫時未諗起，但自己覺大眾母親，又被譽為御用媽打，並笑說:「可能監製好鍾意我，又或者我好得閒啦。」Madam性格樂天愛笑，她驚出騷時忍唔住笑，又忍唔到喊，自稱性情感性。此外，大台重播《卡拉屋企》，Madam早前和演員飯聚，感覺到大家仍然充滿人情味。

-----------------------------
【新聞有價】6月17日起 繼續撐蘋果
http://bit.ly/2IJ24ZR
--------------------------------
【記住63836568】全民爆相爆片！下一個爆料王就係你
https://bit.ly/2Guolu9