林子祥（Lam）喺中環為「《愛心之歌》短片創作比賽」啟動禮擔任嘉賓。

本月12日踏入67歲生日嘅阿Lam，日前喺工作中渡過生日，Lam話：「我喺台上唱歌，屋企人推個蛋糕出嚟同我慶祝。」

阿Lam話自己0依家嘅年紀，生日並唔渴求收到禮物。Lam同樣喺太太葉蒨文（沙麗）早前嘅生日，並冇特別送上禮物，Lam苦訴指沙麗每次睇中鍾意嘅嘢，都會大量購買，令家中積存大量物品，Lam話：「到咗一個年紀，唔想乜都堆喺屋企，愈少嘢愈好，但係沙麗草紙都買幾百箱，擦身嘅油多到擺咗廿幾年都未用完。」

Lam指簡單同小孫女、家人見面，已經令佢好滿足。Lam話仲未開始教孫女唱歌，要觀察佢有冇音樂感再決定，Lam話：「之前都唔知阿仔咁鍾意音樂，係佢話想入行先至知。」