黃浩妻子Suki昨日在志偉被捕保釋候查後，首度到山頂出席聖誕活動，她以白色造型亮相，清減了不少，臉上雖掛了招牌甜笑，但眼肚下難掩一對大眼袋。Suki昨午出騷，也帶着黑人保鑣貼身保護，她表示聖誕新年將留港，問到其夫心情，她說：「OK，有心，有心，我都OK㗎。」可會避忌少出街？Suki說：「傳媒追訪我老公啫，我朋友冇嘢，我會約朋友返屋企BBQ，呢排好凍，留喺屋企多啲。」
Suki是無綫經理人合約藝人，她在事件中可覺左右做人難？她說：「我OK㗎，會繼續做嘢，有其他工作平衡自己。」Suki會幫手調停嗎？她說：「暫時自己未有能力去處理，留畀專業人士。」是否覺得以和為貴？她說：「我唔方便評論咁多。」

Suki視曾志偉前輩

問Suki日後碰到志偉可會尷尬？她說：「我好少返公司，唔會成日撞到。」談到事發前跟志偉的關係，她說：「間中撞到，有打招呼，佢係前輩。」由於飯局事件越搞越大，可擔心其他藝人給與壓力？Suki說：「我都係做自己嘢。」Suki避談是否很難做，她說：「我唔識答。」Suki否認受黃浩是非影響手頭工作，昨日的活動正是婚宴前接洽，她說：「工作係我自己選擇，我想多啲陪家人。」
採訪：卓寶花、林妃　攝影：黃偉雄