當年今日
關於我們

【叱咤頒獎禮】入行13年張敬軒摘男歌手金獎柏豪銅獎

蘋果日報 2016/01/01 06:00

叱咤頒獎禮

叱咤男歌手金銀銅獎分別由張敬軒、陳奕迅及周柏豪奪得。張敬軒今次係入行13年來,首次奪得此獎,頒獎前眾司儀故意吊癮,話:「呢個獎,佢等咗13年,不如我哋拎落台俾佢。」於是行落台,走到軒仔面前,但裝作睇佢唔到,仲問:「佢喺邊呀?你哋見唔見佢呀?俾啲掌聲guide我哋去搵佢啦!」然後終於站定在軒仔身前謂:「皇上,係你喇。」眾人即抱抱,軒仔更緊緊抱著好友王菀之。

軒仔甫上台即向觀眾深深鞠躬致謝:「多謝頒俾我呢個,喺叱咤拎過、最高榮譽嘅獎。我覺得有愧此獎,過去一年少咗自己創作,有新歌新碟演唱會,但有好多空間可以努力。果然一片空白。」

軒仔笑言不知之後是否有機會再拿此獎,故選擇唔唱歌,講得獎名單,先是感謝上帝眷顧,再感謝父母,又祝他們身體健康:「佢哋過去幾個月都有少少唔舒服。」又感謝祖兒、薛凱琪及王菀之,並說:「多謝香港朋友支持,令我可以喺香港唱到咁多年嘅歌。」

入行9年的周柏豪,自言得獎此刻仍十分緊張,又借拜山故事,表明即使過了那些年,但好多嘢仍然記得好清楚,包括失意時,曾sendmessage鼓勵他、毋須理別人閒言的張敬軒。