房屋署最新一期特快公屋編配計劃接獲5.8萬宗申請，超額申請33倍。首批合資格2人或以上家庭申請人獲安排今早起到樂富房委會揀樓。有輪候公屋逾10年的申請人說，因擔心小朋友害怕，故選擇沒有死過人的單位；但亦有輪候公屋8年的南亞裔人士說，難以負擔私樓單位昂貴租金，即使是凶宅單位也無有怕，「唔信呢啲嘢，死咗咪死咗囉」。

今期特快公屋編配計劃家庭申請人，今早分批到樂富房委會揀樓，其中首批揀樓的盧先生，輪候公屋7年多，一家4口現居香港仔劏房，但因租金昂貴，遂參加特快計劃，揀選了華貴邨一個約300呎單位，過去曾發生住戶因欠債被人張貼單張等滋擾事件，「都吉咗大半年，唔怕嘅，邊有咁多呢啲（追債）」。

任地盤冷氣工的王先生則已輪候公屋逾10年，一家三口現居自己父母小西灣一公屋單位，但因與父相處欠佳，過去曾搬到劏房和村屋，惟太重負擔，只好搬回與父母同住。他指，前後已參加過3次特快編配計劃，惟上次僅剩天水圍單位，「嫌太遠所以無要到，小朋友喺筲箕灣讀書」，而今次成功揀選柴灣興華二邨單位，「起初睇到好似都係興華邨嘅單位，但職員話死過人。之後再揀咗另一棟個翻新單位，無死過人嘅。我自己唔怕，但怕小朋友會驚」。

在港土生土長的巴基斯坦裔女士Suffina說，她和妹妹均有參加計劃，兩個家庭已分別輪候公屋9年和8年，但今次只有妹妹的家庭被抽中，故來陪伴不諳中文的妹妹揀樓。她說，妹妹一家共6人現居土瓜灣舊樓400呎單位，月租8,000多元，自己則一家三口居於紅磡分租套房，月租逾6,000，「好貴租又好污糟，舊樓嚟，廚房廁所相連埋一齊，我哋伊斯蘭人唔喜歡咁樣，同埋好多細菌」。

Suffina指，她和妹妹均希望能快點上樓，改善居住環境，首選九龍區單位，即使為曾發生兇殺案或有人死亡的單位也會考慮，「唔信呢啲嘢，死咗咪死咗囉」。她說，妹妹最後揀選了慈雲山一約400呎單位，2001年曾發生有人自然死亡事件。

劉小姐（化名）說，早年由內地嫁來港，惟後來與丈夫分開，自己與4名子女已輪候公屋8年，現時與另外兩戶人家分租上水一個單位，月租6,000多元，「好有壓迫感，只得兩張碌架床，又要排廁所」。她說，因業主每年加租，「上次加咗3,000元租。年年都要搬屋，今年都搬咗兩次」，故首次參加特快計劃，盼可盡快上樓，「但死過人嘅單位都驚驚哋，兇殺案嗰啲就未必會揀」。但最終揀選沙田禾輋邨一個去年曾發生自然死亡事件的單位，「依家都唔知點」。

今期特快公屋編配計劃，房署接獲約5.8萬宗申請，超額申請33倍，當中2.8萬宗為二人或以上的家庭申請者，3萬宗為一人申請者。房署今年約有1,700個單位供申請人揀選，首批單位共1,002個，包括8個曾發生兇殺案的單位，租金由1,053元2,950元不等，其中堪稱全港最邪凶廈的屯門安定邨定泰樓、和曾發生兇殺案的沙田沙角邨綠鷺樓16樓單位繼續「榜上有名」。

其餘不受歡迎單位則包括曾發生自殺或意外死亡事件、曾發生白蟻等蟲患、噪音水平略高及前住客曾受其他住客滋擾等。申請人可獲提早入住公屋和租金優惠。

-----------------------------
【撐學生】
召集有心人 撐學生全年睇《蘋果》
立即按此
-----------------------------
百日特刊記載香港人逆權之路
《逆權百日》
《自由之夏》
-----------------------------
《囚牢之疆》 專頁
揭開集中營邪惡面紗
今日新疆 明日香港