網友chiling2都同意上述嘅講法，但就認為現時大陸股民已經相當克制，炒風應該冇之前咁熾熱，「過去一個月，中央就係見到民眾咁瘋狂炒股，咪出聲要嚴打囉。A股已經跌唔少，佢哋賺少好多嘞。」
不過，唔少網友都相信，宏調措施唔會維持好耐，完咗之後A股自然會健康上升，到時炒股就賺唔少，分分鐘係好過做經理。COCO67笑言：「宏調過後，都幾眼紅大陸人炒A股，事關單日波幅好大，日日有幾毫至幾蚊上落，實賺唔少。」ITAA-Calc就忠告：「希望佢哋做好風險管理，唔好炒得咁熱，否則阿爺又會再出手干預。」
自1月初開始，中央不斷出口術，加上落實各項冷卻過熱股市嘅措施，包括呼籲投資者要提高風險意識、嚴禁借錢炒股，同要求證券行清理唔合規格嘅賬戶，而且全國人大副委員長成思危仲警告：「上海證券交易所嘅上市企業當中，七成可能會令投資者蝕錢。」內地股市隨即爆發小股災，一月尾滬深300指數更勁跌逾6%，為05年成立以來嘅最大單日跌幅。