當年在場嘅向華強太太陳嵐噚日接受電話訪問時,就還原番件事出嚟,佢話:「當時志偉、小春都幫我搞嘅騷表演,有一日林志玲經理人洪偉明打電話嚟搵我求助,同時間佢都搵咗寬姐邱瓈寬幫手,最後寬姐出手解決咗件事,事後林志玲仲幫我個騷做頒獎嘉賓。」據知,當時是有一名內地富商透過戴君儀想結識林志玲,林志玲被騙去拉斯維加斯後被禁錮喺一間旅館入面,連經理人都聯絡唔到佢。洪偉明求救無門惟有搵向太同寬姐求助,最後有指戴君儀仲要跪地認錯寫悔過書。而該名富商事後向各人致歉,話諗唔到中間人會禁錮對方,寬姐截稿前就未有回覆本報查詢。