嚟緊禮拜六開騷嘅關楚耀，回想返四年前喺日本闖禍，今日佢喺商台訪問度話，件事令自己成熟唔少，亦好珍惜身邊家人朋友給予支持同機會。

講到同衛詩（Jill）一段情因此而結束，關楚耀話「之前都覺得有啲可惜，但阿Jill同我講係安排嚟嘅，冇得勉強，唔係就唔係。」至於同連詩雅合作拍戲而鬧出三角戀而同女友分手，佢強調絕對係報道聯想出嚟，事實並非如此，而呢刻佢會專心自己事業，希望靠努力做出成績令人賞識。