從Busking唱到成為歌手，不過將興趣變成職業，令到黎曉陽自覺有點失去樂趣，稍後他計劃走回街頭唱Busking重拾樂趣。今日他到新城宣傳新歌《拾荒者之歌》，首歌講述回憶，他憶起自己曾經見到一位阿姐坐在街頭，便送上食物給對方，怎料對方並非露宿者。

近年愛上瑜伽的他，每逢有空檔便會去做，今早清晨6時已經去瑜伽中心做，他說︰「我而家物色啲草地，希望可以同大家一齊做瑜伽，當最後大家合上眼瞓底休息時，我就唱歌畀大家聽，感覺好神聖。」他有意投考瑜伽教練牌，問到他欠多久才可以考牌？他笑說︰「欠錢，要四、五萬費用，不過將興趣變成工作就會失去樂趣，唱歌都一樣，我都想之後再Busking。」

他表示Busking有好多有趣經歷，例如在深水埗被道友包圍，對方見他賺到千多元收入便指幾好賺，黎曉陽指要賺學費，最後對方投了幾毫子在他盒內。最難忘是6年前遇上偶像龍心，他說︰「佢突然出現，拎把劍串起我啲錢，然後放火燒錢，燒咗幾十蚊，佢同我講句sorry，再拎我支咪唱歌，我咪伴奏同合照。」

採訪︰馬建華
攝影︰陳慧安

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇