賭王何鴻燊千金何超儀托朋友喺微信朋友圈放手袋？聽起嚟有啲匪夷所思，但最近喺微信朋友圈中，確實有個用戶貼咗好多名牌手袋嘅相出嚟，仲有一張超儀同人嘅合照，該用戶仲留言話：「是超儀姐給的貨，要的小伙們繼續報名。全部現貨！支持拎櫃驗，誠意要的筒子們，請私信來。」

不過《蘋果》今日問過超儀，佢聽到一頭霧水，佢仲話：「我冇相片中嘅手袋，更冇將手袋透過任何人喺二手市場上放售。我呼籲消費者喺網上購物千萬要小心，尤其係涉及藝人嘅。因為實在有唔少魚目混珠之徒，真假難辨，防不勝防，係難追究。其實o依家社交平台咁發達，有嘢要賣都會喺自己平台公佈啦，起碼益咗fans先啦！」

更多娛聞，喺晒《娛果》
http://fb.com/appledailyent