(新增回應)

柯震東喺上個月俾人影到同南韓超模Irene十指緊扣去咗夜蒲，之後女友李毓芬為咗呢件事同柯震東鬧大交，最後女方提出分手，喺柯震東「秒答應」，呢段情正式玩完！(新聞連結： http://bit.ly/2BXl7OD )另外，月初又傳柯震東因吸毒事件，仍持續遭中國封殺，由《打噴嚏》改名為《不倒俠》嘅新片突然喺微博消失，恐怕無法上映，愛情、事業都落空。

幾日前柯震東喺ig留言話道別，嗰陣大家都以為佢唔捨得呢段情，話晒李毓芬喺佢人生低潮嘅時候，一直都不離不棄喺佢身邊，點知今日凌晨佢喺ig 貼咗張紅色唇印嘅相，兼留言話：「我死了有人在乎嗎」

至中午，事件經傳媒披露後，柯震東已經將Post 刪除，將成個ig「還原」回到2016年10月的《那些年，我們一起追的女孩》，caption係「一切的起點！人生中發生的每一件事，都有它的意義。」

此舉令不少網民擔心，紛紛留言：「不要做傻事啊」、「會，會很很多人在乎你，我們都在乎著你都需要著你，我們都會陪著你一起慢慢變好，柯家凱，知道了嗎！我們都在這。」、「柯震東 不管你做什麼 請記得有人比你更愛你」、「大笨蛋你在幹甚麼啊！」

今日中午柯震東回覆台灣《蘋果日報》，佢話：「生命很美好，我只是一時情緒，很抱歉造成大家的麻煩，馬上刪了，不好意思，謝謝關心。」

 
24小時求助熱線︰
香港撒瑪利亞防止自殺會熱線︰23892222
撒瑪利亞會熱線(多種語言)︰28960000
生命熱線︰23820000
東華三院芷若園熱線︰18281
社會福利署熱線︰23432255
醫院管理局精神健康專線(24小時精神健康熱線諮詢服務)：24667350
明愛向晴熱線：18288