當年今日
關於我們

【唔聽陳偉霆意見】Mr.重溫10年感動 紅館騷由頭Warm到尾

蘋果日報 2019/03/12 00:00

Mr.十年紅館演唱會

假如人人都真的長命百二歲,10年也只是一眨眼的光陰。10年光陰,可以經歷多少變化?
組合Mr.於08年簽約唱片公司,兩年後舉行首個紅館演唱會,出道5年更3度於紅館開騷,推出近80首歌,但3年前隊員之間意見分歧各走各路,這樣的10年,是坐過山車般的人生。假如心臟不夠強大的話,早已被樂壇瞬息萬變的巨輪沖走,幸好,今天Mr.已經重整旗鼓,5月更會重返紅館舞台,齊齊整整高唱:「如果我未死,來釋放自己。」
曾經迷失的Mr.,如今安好的歸來,繼早前再度推出新歌,還宣佈會再踏上紅館舞台,主題就是入行10周年。喜愛做自己的Mr.直言不要太多「花臣」,Dash爆同期出道兼好友陳偉霆曾提議:「佢叫我哋一路彈一路跳,我覺得唔好搞咁多嘢,我哋唔應該挑戰呢啲難度。」他們表示想問問大家的意見,Alan說:「網民應該會有多啲意見,不過問下啫,無話一定要做㗎。」
至於只演兩場,Alan坦言:「開頭開一場都擔心,我哋冇出嚟講嘢一排,亦冇咩好大gimmick畀大家,好彩發佈會嗰日,見到咁多fans喺度。」Ronny認為只是適當的時候做適當的事:「之前有段時間,大家都需要沉澱吓、諗吓,而家大家都準備好,咁啱又有主辦商邀請就做。希望畀大家諗下呢10年,今次會係個幾感性嘅演唱會,唔係爆炸性嗰種。之前有人問我哋有冇嘉賓,但我覺得有冇需要呢?為咗抵睇而要有嘉賓?Mr.嘅賣點唔係抵睇,反而係坦坦白白玩音樂。」Tom透露演唱會甫開場,即與歌迷重溫過去10年時光:「我哋想同大家一齊回憶,睇到應該會有啲感觸同感動,想用呢份溫暖嘅感覺開場。」Dash笑謂要澄清,早前於發佈會上,曾揚言最精采的部份會安排在演唱會首段:「我哋唔係叫大家睇完開頭就走,係想一直keep住個氣氛去到最尾,我哋有成70、80首歌,而家揀咗40首要再濃縮,所以一定要準時入場。」
Mr.的10年經歷了很多,出道初期人氣急升,後來一單又一單的負面新聞,他們早已變得豁達:「反而太順利嘅話,嗰隊樂隊就冇乜故事。我哋到而家都仲係『o靚仔』,『o靚仔』就要能屈能伸,嗰啲係畀我哋嘅考驗。」Dash笑指到現在,Mr.仍未散band已是小確幸:「好多樂隊最後都割晒席,正面負面都係有得着嘅。」
他們的得着是成長,Alan說:「大家會對大家包容咗,以前會脾氣唔好、小器、唔出聲。當時工作係唔停嘅,所以撞埋一齊好多碰撞,但又冇時間去消化啲負面情緒,而家各自做想做嘅嘢,返嚟大家會再包容番大家。」Tom直言明白Mr.不止是5位成員:「當你知道夾band,其實牽涉好多嘢,你就會成長。」Dash更感性地表示:「佢哋4個個名,一定係最深刻,由唔係好熟到熟咗,再去到唔知點相處,而家可以繼續,呢4個人我一世都唔會唔記得,因為最開心、最唔開心、最火滾嘅嘢都係同呢4個人發生。」
現在他們選擇以自由度更大、沒有時間表的形式合作,10年後的Mr.呢?Alan聞言笑說:「如果大家仲健在,大家仲會支持我嘅話,Mr.應該仲會喺度。以前迫住做嗰個年代,好黑暗。諗返以前,我哋5個都消消沉沉,都係用番音樂去講我哋嘅嘢啦,同埋而家嘅我哋唔會有太多野心,有野心去做未必最好,我諗而家係我哋最舒服嘅方式。」
化妝:Wendy Of Wendy's Workshop
髮型:MingLeung Of corner.hk
場地:The Stadium
《蘋果動新聞》訂閱新世代,4月開始免費訂閱,現在接受登記!
http://bit.ly/2Ja3IXw
全港打工仔特約:Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef
empty
採訪:盧妹/攝影:沈健程/拍片:廖達燊
empty
Mr.一度各走各路,如今已經放下分歧重新出發。
empty
這次聚首,五子認同沉澱完,可以用音樂再去表達自己。
empty
10年經歷深刻,最好與最壞都曾在同伴間發生。
empty
Mr.相約10年後,如果fans繼續支持,Mr.都會繼續演出。