家好多人去旅行都鍾意自由行，唔使好似鴨仔咁跟團，自由自在咁玩梗係好啦，不過有時去一啲唔係講英語嘅國家，飲飲食食雖然冇問題，想玩得有深度啲，了解當地文化同風土人情就有難度。國泰假期都幾有巿場觸覺，趁母公司國泰航空呢個月13日首辦由香港直飛莫斯科嘅直航機，推出二人就可成行嘅俄羅斯私人導賞遊套餐，仲搵咗演員蘇玉華做代言人。

蘇玉華就開心啦，成為國泰俄羅斯私人導賞遊第一個客，羨慕死小妹。佢好開心咁話今次有個當地私人導遊帶路，一口氣去咗莫斯科同聖彼得堡，仲喺克里姆林宮（Kremlin）前放風箏，再去埋劇院欣賞芭蕾舞劇《天鵝湖》，「有個私人導遊全程帶路，自己鍾意去邊就去邊，可以真正體驗當地文化」。
國泰假期公關老友Shirley話，俄羅斯私人導賞遊有兩個Package，一個係五日三夜嘅莫斯科私人導賞，套餐包括香港至莫斯科來回機票，三晚酒店連早餐、部份景點入場門票，同埋一名英語導遊，套餐價錢$15,140起；另一個Package係七日五夜嘅莫斯科加聖彼得堡套餐，價錢$26,700起。兩個套餐仲送出1,000亞洲萬里通里數。詳請可瀏覽 http://www.cxholidays.com/promotions。

電郵：mailto:[email protected]