【本報訊】「點解吸煙區唔畀食煙呀？」年屆66歲的老煙民葉伯昨如常往酒樓歎茶，兼坐在吸煙區享受吸剩下的「半支煙」時，竟因呼出的一縷煙圈，引來背後一名聞煙不適的女茶客媚姨喝止，雙方衝突互擲茶壺和茶杯，結果兩敗俱傷。葉伯慘被扑崩鼻，53歲姓陳的女茶客媚姨亦頭破血流，兩人均涉嫌在公共地方打架，雙雙被捕同送院敷治。

女茶客指煙味令咳嗽

「我明明坐喺吸煙區，點解唔畀我食煙？點解唔得呀？點解？」66歲的葉伯在將軍澳醫院急症室等候診治期間，不停向警員問「點解」，憤怨之聲響徹候診室，連坐在另一邊的媚姨都能清楚聽見，她氣憤得不顧傷勢，一支箭衝前反駁：「我都講咗我唔舒服，聞到啲煙會好辛苦咯！」
老煙槍葉伯透露，自己營營役役大半生，但求一日三餐安樂茶飯，閒來煲一吓煙，沒想到會被干涉。他說，每次到茶樓只選坐吸煙區，以免與非煙民食客為敵。
以昨日為例，葉伯於早上9時許，如常在將軍澳寶林邨商場一間酒樓歎茶，職員見他是熟客，當然醒目地引領他入座吸煙區。其間葉伯自顧吞雲吐霧，身後的女茶客媚姨突然拍膊頭制止吸煙，指煙味令她咳嗽加重病情。葉伯聞言未理會，繼續吸煙，一不留神，竟被媚姨用滾水淋背，氣得他執起茶壺飛擲對方，媚姨亦絕非善類用茶杯回敬，結果兩人同時血濺當場。