黃翠如、王麗嘉等今天於中環出席腕錶品牌活動。提到政府修訂《逃犯條例》惹爭議，民陣前日發起遊行反對修例，並呼籲遊行人士穿上白衣，不少藝人也現身遊行支持，而翠如當日在Instagram發放一張穿上白衣的照片，並留言：「很炎熱，但很美的太陽。星期天、街去」（新聞連結： https://bit.ly/2KPR27N ），今天問到翠如此舉是否有特別涵義？她說：「IG每日都放唔同嘅相，唔使特別回應。」翠如直言有留意有關新聞，問到她是否支持反送中？她說：「呢個新聞係有留意嘅，會keep住留意，係香港嘅事，大家都關心。」至於明天會否參與罷工行動？她則想了一想說：「我會關注住新聞。」

另外，翠如透露7月將跟洪永城拍檔拍攝旅遊特輯，她說：「已經5年冇一齊合作，都諗過唔一齊合作，因為嗌交太多，可能呢次會係最後一次合作，Edwin（蕭正楠）都怕我哋嗌交，因為我哋太細就識，唔會容忍，完全唔畀面大家，曾經試過一次拍攝期間嗌交，嗌咗15分鐘，監製都要行埋一邊。」她又指早前跟老公一同探望洪永城，見他獨自在家照顧老犬，感覺孤單，她說：「我哋同佢講將來有咩事會去老人院會照顧佢。」記者笑言洪永城也有女友可照顧他，翠如即嘲笑地說：「佢（女友）咁正，可能有好多選擇。」

而王麗嘉穿上白色入膊上衣露臍兼貼身裙，青春逼人，周日便是父親節，問王麗嘉會送手錶給父親王敏德作禮物嗎？她笑說：「唔會，因為已經買咗，係我哋3姊弟夾份嘅，不過而家唔講得，會係貼身實用嘅。」問到是否底褲或泳褲這些貼身物品？她笑說：「呢啲成日買，我知道size，買呢啲可以成日着到。」

提到爸爸喜歡底褲類型的癖好？王麗喜笑說：「顏色佢冇所謂，crazy pattern佢都鍾意，豹紋都有，最緊要係舒服。」會否問媽咪意見？穿的時候也是媽咪受惠？王麗嘉笑說：「我唔知，佢哋兩個人嘅事。」而王麗嘉又透露父親節當日，弟弟會跟一班同學、一行20多人到泰國畢業旅行，王麗嘉亦指希望進修碩士課程，她說：「遲少少先，因為怕冇心機讀，喺美國畢業，都想去英國讀書，試吓唔同地方，但係可能唔會發生，因為要睇吓做嘢點先。」

-----------------------------
【新聞有價】6月17日起 繼續撐蘋果
http://bit.ly/2IJ24ZR
--------------------------------
【記住63836568】全民爆相爆片！下一個爆料王就係你
https://bit.ly/2Guolu9