【新增影片】
鰂魚涌居屋康山花園創下全港最貴居紀錄，呎價直逼萬七，兩房單位升穿「7球」。今日傍晚，本報記者去到屋苑附近地產代理行睇過，見到一個康山花園高層單位，實用431呎，最新報價以735萬元放售，即平均呎價已超過萬七。

於區內居住的麥氏姐妹聞言，亦大嘆「有無咁西利呀？萬七蚊真係，難以相信呀真係！（會唔會覺得有啲貴？）直情係誇張啦！」二人與家人同住港島區十多年，自言多年來見證住樓價飛升，雖然價錢愈賣愈貴，「咁都無辦法啦，唔買就無地方住嘅話，幾貴都要辛苦供嘅。」

不少年輕一輩置業都需要借助父母之力，麥女士（圖右）的兒女也不例外，不過亦只是幫到一部分，「（嗰陣）唔幫嘅話，而家點呀？唔洗食唔洗著呀？父母如果幫得到咪幫囉！」

她續稱，7、8年前助兒子買入將軍澳單位，「幾年前樓價無升得咁勁嘅，四百幾萬咁上下啦。我聽啲泳友講，有啲含金鎖匙出世，一出世就買層樓畀佢㖭！」雖然樓價升勢料持續，不過二人都指無意出售單位換樓，「無可能喇，其一係住慣咗，而且賣咗個價，都買唔到同一面積嘅單位。」

記者：江靖然

掌握財經生活資訊，即Like「蘋果ATM」fb專頁啦！
http://fb.com/appledailyatm