當年今日
關於我們
隔牆有耳:紙板迎賓 太空人齊反洗腦 - 李八方
蘋果日報 2012/08/14 00:00
太空人都反洗腦,狼振英睇到未?
互聯網
三個中國太空人日前到中文大學做航天講座嘉賓,中大為隆重其事,特登擺咗一比一嘅太空人紙板公仔喺場外「迎賓」。原本做晒招牌動作揮手嘅太空人,應該係來賓嘅影相位,點知同紙板太空人合照嘅人得小貓三、兩隻;完咗洗腦騷後仲被示威同學「佔領」,攝咗兩張標語喺太空人嘅手上,一張寫住「航天科技真了得、不見路有凍死骨」,諷刺大陸只識隱惡揚善;另外一張就怒吼:「滾吧!國民教育」,唔知係咪幫手粉飾太平嘅太空人心底話呢?