剛周日（10日）尾場賽後打出研訊燈號，畫面顯示涉事馬匹為5號「翔惑」及7號「芙蓉莊」，但有睇直播的人，幾可肯定研訊馬匹應該是7號「芙蓉莊」及2號「加州再豫」。

結果，攪到幾位官方英語主持，猛諗一些「翔惑」同「芙蓉莊」如何構成擠阻的理由，但馬會就連這樣顯而易見的手文之誤也察覺不到，難免人懷疑發放資料的相關人員，究竟有冇睇跑馬？

雖則「芙蓉莊」及「加州再豫」直路你撞我、我撞你，小組認為對賽果沒有實則影響，但以這場作研訊尺度，同日第五場季軍「雷電寶」入彎時被亞軍「霽月高風」切入收慢，唔見至少兩個馬位顯而易見，最終前駒只差一條馬頸追唔切無Q，為甚麼小組又不主動研訊？

難道一如過往，因為擠阻發生在賽事較早段，小組認為已有足夠途程讓「雷電寶」收復失地所致？

個人從不認同這個邏輯，不論擠阻在那裏發生，只要當中影響大過涉事兩駒間的勝負距離，名次理應調節。

雖然「雷電寶」受阻失Q，但頭馬為廐侶「小鳥敖翔」，加上有「魅影揚飛」捧盃，姚本輝剛周日仍收穫甚豐。

後晚（13日）姚廐尾場「鞍歌」近兩仗專攻今戰所跑的谷草1200獲一冠一季，演出比過往跑最短途更加穩定，今次抽3檔有助「鞍歌」發揮最佳水準。

廐侶第四場「航天勇將」季初贏四班谷草1200米強組，季中回氣後最近連跑兩場沙田熱身，到後晚回師首本戲，應是箭頭所在。