佢哋呢個旅行團係幫襯太古旅遊,太古旅遊透過公關確認有呢件事發生,領隊將按照守則喺當地報案,全部門票都係向同一門票代理商購買,暫時都唔清楚出現假飛嘅原因,太古旅遊正等候代理商回覆,作進一步跟進。
單靠肉眼睇,真假門票分別不大,只係貨幣唔同,真嗰張,中間亦有堆數目字,唔認真睇未必留意到。王利民話,佢哋都冇諗過手持假飛,冇特別比較每張門票,被人扣留之後,假門票亦被充公,所以根本冇辦法自己再去分辨真偽。
其實王利民原本手持假飛,入場前有同事想跟佢調位,反而換走咗佢張假飛,佢同事當然傷心到死。
聽聞,佢哋𠵱家仲跟太古旅遊傾緊賠償,不過點樣賠,應該都彌補唔到一場世界盃四強賽事啦。
李華華
mailto:
[email protected]